சிங்கள - தமிழ் புதுவருடத்தை கொண்டாடுமுகமாகவும் சனாதிபதி அலுவலகத்தின் ”புனரோதயம்” சுற்றாடல் பாதுகாப்பு தேசிய நிகழ்ச்சித்திட்டத்துக்கு அமைவாகவும் 15.04.2019 இன்று மு.ப 11.17இற்கு உள்ள சுபநேரத்தில் முல்லைத்தீவு மாவட்ட செயலக வளாகத்தில் மரநடுகை நிகழ்வு இடம்பெற்றது. 

viber image 2019 04 15 11.17.25

முல்லைத்தீவு மாவட்ட சமுர்த்தி அபிவிருத்தி திணைக்களம் மற்றும் கரைதுறைபற்று பிரதேச செயலகம் ஆகியவை இணைந்து சமுர்த்திப் பயனாளிகளின் உற்பத்திகளை ஊக்குவிக்குமுகமாக இன்று (10.04.2019) மாவட்ட செயலக முன்றலில் நடாத்துகின்ற சௌபாக்கியா விற்பனைக் கண்காட்சிக் கூடத்தினை முல்லைத்தீவு மாவட்ட செயலாளர் திருமதி.றூபவதி கேதீஸ்வரன் அவர்கள் பிரதம விருந்தினராக கலந்துகொண்டு காட்சிக்கூடங்களினை திறந்துவைத்தார்.

 

இந் நிகழ்வில் கரைதுறைபற்று பிரதேச செயலாளர், உதவிப்பிரதேச செயலாளர், மாவட்ட செயலக உத்தியோகத்தர்கள், சமுர்த்தி திணைக்கள உத்தியோகத்தர்கள், பொதுமக்கள் பலரும் கலந்துகொண்டனர்.

 

சௌபாக்கியா விற்பனைக் கண்காட்சியானது இன்றும் (10.04.2019), நாளையும் (11.04.2019) இடம்பெறவுள்ளது

 DSC 0040DSC 0045DSC 0052

அதிமேதகு சனாதிபதி அவர்களின் நிலைபேறான அபிவிருத்தி எண்ணக்கருவின் கீழ் அவரது நேரடி கண்காணிப்பு மற்றும் நெறிப்படுத்தலுடன் செயற்படுத்தப்படுகின்ற ”போதையிலிருந்து விடுபட்ட நாடு” போதைப்பொருள் தடுப்பு நிகழ்ச்சித்திட்டத்துக்கு அமைய முல்லைத்தீவு மாவட்ட செயலகத்தில் இன்று (03.04.2019) காலை 0830 மணிக்கு போதைப்பொருளுக்கு எதிரான சித்திரை உறுதியுரை எடுக்கப்பட்டது

IMG 4785IMG 4763IMG 4764

கொழும்பு தமிழ்ச்சங்கத்தின் ஏற்பாட்டில் 20.03.2019 அன்று இடம்பெற்ற சர்வதேச மகளிர்தின விழாவில் மாதரறம் மாண்புற சோராது செயலாற்றும் செவ்வியத்தை பாராட்டி ”மாநிலம் பயனுற வாழ் மகளிர்” எனும் விருதினை எமது மாவட்ட செயலாளர் திருமதி.றூபவதி கேதீஸ்வரன் அவர்கள் பெற்றுக்கொண்டார்.

viber image 2019 03 21 13.04.16

சர்வதேச மகளீர் தின நிகழ்வுகள் முல்லைத்தீவு மாவட்ட செயலகத்தில் இன்று (21.03.2019) மேலதிக மாவட்ட செயலாளர் திரு.கோ.தனபாலசுந்தரம் அவர்களின் தலைமையில் இடம்பெற்றது. இந் நிகழ்வில் பிரதம விருந்தினராக முல்லைத்தீவு மாவட்ட செயலாளர் திருமதி றூபவதி கேதீஸ்வரன் அவர்களும், சிறப்பு விருந்தினர்களாக முல்லைத்தீவு பிராந்திய சுகாதார சேவைகள் பணிப்பாளர் வைத்திய கலாநிதி. திருமதி பூங்கோதை தயாளசீலன் அவர்களும், முல்லைத்தீவு வலயக் கல்விப் பணிப்பாளர் திருமதி உமாநிதி புவனராஜா அவர்களும் கலந்துகொண்டனர்.

இந் நிகழ்வில் முல்லைத்தீவு மாவட்ட செயலக முன்றலில் பெண் முயற்சியாளர்களால் அமைக்கப்பட்ட சந்தையினை மாவட்ட செயலாளர் திருமதி றூபவதி கேதீஸ்வரன் அவர்கள் திறந்துவைத்து நிகழ்வினை ஆரம்பித்து வைத்தார்.

தொடர்ந்து முல்லைத்தீவு நகர பகுதியிலிருந்து மாவட்ட செயலகம் வரையான நடைபவனியும் இடம்பெற்றது. அதனைத் தொடர்ந்து மாவட்ட செயலகத்தில் அமைக்கப்பட்ட விழா மண்டபத்தில் பல்வேறு கலைநிகழ்வுகளும், சாதனைப் பெண்கள் கௌரவிப்பும் இடம்பெற்றது..

இந் நிகழ்வில் முல்லைத்தீவு மாவட்ட செயலக உத்தியோகத்தர்கள், பொதுமக்கள், முல்லைத்தீவு மாவட்ட தொழிற்பயிற்சி அதிகாரசபை விரிவுரையாளர்கள் மற்றும் மாணவர்கள் பலரும் கலந்துகொண்டனர்.

DSC 1328DSC 1341DSC 1354

ஆவணங்கள் பதிவு செய்தலின் ஒருநாள் சேவை மற்றும் சர்வதேச தரத்தின்படி தயாரிக்கப்படுகின்ற புதிய பிறப்புச் சான்றிதழ் விநியோகிக்கும் தேசிய வேலைத்திட்ட நிகழ்வு பதிவாளர் நாயகம் திணைக்களம் ஏற்பாட்டில் முல்லைத்தீவு மாவட்ட செயலகத்தினால் இன்றைய தினம்(16/03/2019) முல்லைத்தீவு மாவட்ட அரசாங்க அதிபர் தலைமையில் இடம்பெற்றது

54519878 555917928265868 5786406041134563328 nviber image 2019 03 18 10.04.48

மாவட்ட மக்களுக்கு குடிநீர் வழங்கல் சேவையினை மேம்படுத்தும் வகையில் அனர்த்த நிவாரண சேவைகள் நிலையத்தினால் முல்லைத்தீவு மாவட்டத்துக்கென மூன்று தண்ணீர் பௌசர்கள் வழங்கிவைக்கப்பட்டிருந்தது. அவற்றை முல்லைத்தீவு மாவட்ட செயலாளர் திருமதி.றூபவதி கேதீஸ்வரன் அவர்கள் துணுக்காய், ஒட்டுசுட்டான் மற்றும் புதுக்குடியிருப்பு பிரதேச செயலாளர்களின் ஊடாக துணுக்காய், புதுக்குடியிருப்பு பிரதேச சபைகளுக்கு வழங்கிவைத்தார்.

234

கௌரவ பிரதமர் ரணில் விக்கிரமசிங்க அவர்கள் இன்று (16.02.2019) முல்லைத்தீவுக்கு அபிவிருத்தி திட்டங்கள் தொடர்பாக ஆராயும் விஜயம் ஒன்றினை மேற்கொண்டார்.

இன்று காலை 11.00மணியளவில் உலங்குவானூர்தியில் முல்லைத்தீவினை வந்தடைந்த கௌரவ பிரதமர் ரணில் விக்கிரமசிங்க அவர்களை முல்லைத்தீவு மாவட்ட செயலாளர் திருமதி றூ.கேதீஸ்வரன் அவர்கள் வரவேற்றார்.

இதனை தொடர்ந்து மாவட்ட செயலக மாநாட்டு மண்டபத்தில் இடம்பெற்ற அபிவிருத்தி திட்டங்களை ஆராயும் கூட்டத்திலும் அவர் கலந்துகொண்டதுடன் தெரிவுசெய்யப்பட்ட திட்ட பயனாளிகளுக்கான காசோலைகளையும் வழங்கி வைத்தார்.

இக் கூட்டத்தில் அமைச்சர்கள், பாராளுமன்ற உறுப்பினர்கள், அரசியல் பிரமுகர்கள், மாவட்ட செயலக உத்தியோகத்தர்கள், மற்றும் பொதுமக்கள் பலரும் கலந்துகொண்டனர்.

IMG 20190217 WA0026IMG 20190217 WA0022IMG 20190217 WA0018

இலங்கையின் 71 ஆவது சுதந்திரதினம் முல்லைத்தீவு மாவட்ட செயலகத்தில் இன்று (04.02.2019) மேலதிக மாவட்ட செயலாளர் திரு.கோ.தனபாலசுந்தரம் அவர்களின் தலைமையில் சிறப்பாக கொண்டாடப்பட்டது.

இந் நிகழ்வில் மாவட்ட செயலாளர் திருமதி.றூ.கேதீஸ்வரன் அவர்கள் பிரதம விருந்தினராக கலந்துகொண்டார்.

இதில் விருந்தினர்கள் பாண்ட் வாத்திய மற்றும் இன்னியம் கலைஞர்களின் அணிவகுப்புடன் மேடைக்கு அழைத்துவரப்பட்டனர். தொடர்ந்து தேசியக்கொடி ஏற்றப்பட்டு தேசியகீதம் இசைக்கப்பட்டது. அத்துடன் பாடசாலை மாணவர்களின் கலைநிகழ்வுகளும் மேடையை அலங்கரித்தன.

அதனை தொடர்ந்து சுதந்திரதினத்தை முன்னிட்டு மரநடுகை நிகழ்வும், இரத்ததான நிகழ்வும் இடம்பெற்றது.

indind2ind3

பாடசாலை மாணவர்கள் மற்றும் பெரியவர்களை போதைப்பொருள் தடுப்பின் முனைப்பான பங்குதாரர்களாக்கிக்கொண்டு தேசிய போதைப்பொருள் தடுப்பு பாடசாலை வாரம் நடைமுறைப்படுத்தப்படும் அங்குரார்ப்பண வைபவம் அதிமேதகு ஜனாதிபதி மைத்திரிபால சிறிசேன அவர்களின் பங்குபற்றலுடன் 2019 ஜனவரி 21ம் திகதி முல்லைத்தீவு முள்ளியவளை வித்தியானந்தா கல்லூரியில் இடம்பெற்றது. இந் நிகழ்வில் போதைப்பொருளினை எதிர்ப்போம் என சத்தியப்பிரமாணம் மேற்கொள்ளப்பட்டதுடன் வெள்ளத்தினால் பாதிக்கப்பட்ட பாடசாலைகளுக்கான நிதிப்பத்திரங்களும், முல்லைத்தீவு, மன்னார், கிளிநொச்சி மற்றும் யாழ்ப்பாண மாவட்டங்களில் படையினர் வசமிருந்த காணிகளின் ஒருபகுதியினை விடுவிக்கும் பத்திரங்களும் வழங்கப்பட்டன.

51190444 366463460576103 1468406162671009792 n50340725 366463497242766 1876798990641528832 n50437968 366463547242761 4101617536305463296 n

இலங்கையின் முன்னாள் ஜனாதிபதியும் தேசிய ஒருமைப்பாட்டிற்கும் நல்லிணக்கத்துக்குமான அலுவலகத்தின் தலைவருமாகிய கௌரவ சந்திரிகா பண்டாரநாயக்க குமாரதுங்க அவர்கள் இன்று (09.01.2019) முல்லைத்தீவுக்கு விஜயம் செய்திருந்தார்.

அவரை முல்லைத்தீவு அரசாங்க அதிபர் திருமதி. றூபவதி கேதீஸ்வரன் அவர்களும், உத்தியோகத்தர்களும் வரவேற்றனர். தொடர்ந்து புதிய மாநாட்டு மண்டபத்தில் இடம்பெற்ற கூட்டத்திலும் கலந்துகொண்ட அவர் வாழ்வாதார அபிவிருத்தி திட்டத்தில் தெரிவுசெய்யப்பட்ட பயனாளிகளுக்கான வாழ்வாதார உதவிப்பொருட்களையும், பிரதேச செயலகங்களுக்கு தண்ணீர் பௌசர்களையும் வழங்கிவைத்தார்.

மேலும் முல்லைத்தீவு மாவட்டத்தில் நடைமுறைப்படுத்தப்பட்டுக்கொண்டிருக்கும் வேலைத்திட்டங்களையும் நேரில் சென்று பார்வையிட்டார்.

இந் நிகழ்வில் மாவட்ட செயலக உத்தியோகத்தர்கள், பிரதேச செயலாளர்கள், ஏனைய திணைக்கள தலைவர்கள், மற்றும் திட்டப் பயனாளிகள் ஆகியோர் கலந்துகொண்டனர்.

DSC09819DSC09831DSC09839

கௌரவ சபாநாயகர் கரு ஜெயசூரிய, சமூக வலுவூட்டல் மற்றும் நலன்புரி அமைச்சின் கௌரவ அமைச்சர் தயா கமகே, கௌரவ இராஜாங்க அமைச்சர் விஜயகலா மகேஸ்வரன், கௌரவ பாராளுமன்ற உறுப்பினர்களான திரு.சுமந்திரன், திருமதி சாந்தி ஸ்ரீஸ்கந்தராஜா மற்றும் அமைச்சின் செயலாளர்கள் ஆகியோரின் பங்குபற்றுதலுடன் முல்லைத்தீவு மாவட்ட செயலாளர் திருமதி. றூபவதி கேதீஸ்வரன் அவர்களின் தலைமையில் வெள்ள அனர்த்தத்தினால் பாதிக்கப்பட்ட முல்லைத்தீவு மாவட்ட மக்களுக்கான இழப்பீட்டு கொடுப்பனவு வழங்கும் நிகழ்வு இன்று (03.01.2019) முல்லைத்தீவு மாவட்ட செயலகத்தில் இடம்பெற்றது.

DSC 0015DSC 0019DSC 0040

இன்றைய (01.01.2019) வருட ஆரம்ப நாள் நிகழ்வுகள் எமது மாவட்ட செயலாளர் திருமதி.றூபவதி கேதீஸ்வரன் அவர்களின் தலைமையில் இடம்பெற்றது. இன்றைய நிகழ்வில் உத்தியோகத்தர்கள் சத்தியப்பிரமாணம் எடுத்துக்கொண்டதுடன் ஒருவருக்கொருவர் புதுவருட வாழ்த்துக்களையும் தெரிவித்து மகிழ்ந்தனர்.

2019 12019 22019 3

ஊழியர் நலன்புரிச் சங்கத்தின் ஏற்பாட்டில் 27.12.2018 - இன்று மாவட்ட செயலகத்தில் ஒளிவிழா நிகழ்வு கொண்டாடப்பட்டது. இந் நிகழ்வில் மாவட்ட செயலக உத்தியோகத்தர்கள் கலந்துகொண்டு சிறப்பித்தனர்.

Oli1Oli2Oli3


இன்று 26-12-2018 அனர்த்த முகாமைத்துவ நிலையத்தினால் ஏற்பாடு செய்யப்பட்ட சுனாமியினால் உயிர் நீத்த உறவுகளை நினைவுகூரும் நிகழ்வு மாவட்ட செயலாளர் திருமதி.றூபவதி கேதீஸ்வரன் அவர்களின் தலைமையில் இடம்பெற்றது. இன்றய தினம் தேசிய பாதுகாப்பு தினமாக பிரகடனப்படுத்தப்பட்டுள்ளது..

 241242243